Ofneysla áfengis

Lektor við hjúkrunarfræðideild Háskóla Ísland segir ofneyslu áfengis  meðal íslenskra unglinga í framhaldsskólum vera mikið vandamál sem samfélagið verði að sporna við. Hún bendir á að tæplega 60% framhaldsskólanema á aldrinum 16-20 ára hafi verið hafa drukkin einu sinni eða oftar sl. 30 daga.
 
Helga Sif Friðjónsdóttir flutti erindi um þetta ráðstefnu um rannsóknir á hjúkrun, sem fer fram á Hilton Reykjavík Nordica í dag og á morgun. Hún sagði í samtali við mbl.is að nauðsynlegt sé að taka á áfengis- og vímuefnaneyslu og ýmsum öðrum vandamálum sem unglingar glíma við, s.s. vandamál er varða geð- og
kynheilbrig ði.
 
Rannsókn Helgu byggir á gagnagrunni sem safnað var í íslenskum framhaldsskólum haustið 2004 og er í eigu Rannsókna og greiningar. Niðurstöður rannsóknarinnar sýndu að tíðni ofneyslu áfengis var 59,4% meðal þátttakenda. Þá var hægt að greina á milli þriggja ólíkra hópa í úrtakinu með tilliti til drykkjumynsturs.

Fyrsti hópurinn, eða um 50% af rúmlega 11.000 þátttakendum, varð tiltölulega sjaldan drukkinn, en drakk þá álíka oft bjór og léttvín.

Annar hópur samanstóð af 43% þátttakenda og var sá hópur í nokkuð mikilli áfengisneyslu. Ungmenni í þessum hóp drukku mun oftar bjór en fyrri hópurinn en tíðni léttvínsnotkunar hópanna var svipuð. Áfengisneysla seinni hópsins fór að mestu fram í partýum í heimahúsum og á vínveitingastöðum.

Þriðji hópurinn samanstóð af 7% þátttakenda þar sem tíðni ofneyslu áfengis var hæst í samanburði við hina hópana. Tíðni á neyslu bjór, léttvíni og landa var miklu hærri í þessum hópi samanborið við hina tvo hópana og fór áfengisneyslan fram í heimahúsum og á vínveitingastöðum sem og á skólaböllum.

Rannsóknin sýndi einnig að þriðji hópurinn, samanborinn við hina hópana tvo, hafði fleiri einkenni andfélagslegrar hegðunar sem bendir til þess að ungmenni í þessum hópi séu komin í alvarlegan sálfélagslegan vanda samhliða mikilli ofneyslu áfengis.

Valtýr Sigurðsson skipaður ríkissaksóknari

Björn Bjarnason dóms- og kirkjumálaráðherra skipaði í dag Valtý Sigurðsson, forstjóra Fangelsismálastofnunar ríkisins, í embætti ríkissaksóknara frá og með 1. janúar 2008.Aðrir umsækjendur um embættið voru: Egill Stephensen, saksóknari við embætti ríkissaksóknara, Guðjón Ólafur Jónsson, hæstaréttarlögmaður, Jón H. Snorrason, aðstoðarlögreglustjóri og saksóknari embættis lögreglustjórans á höfuðborgarsvæðinu, Ólafur Þór Hauksson, sýslumaður á Akranesi, og Sigríður J. Friðjónsdóttir, saksóknari við embætti ríkissaksóknara. Vernd óskar Valtý velfarnaðar í nýju og krefjandi starfi.

Laugarnes á ljúfum nótum

Miðvikudaginn 14. nóvember var haldinn fundur í Laugarneskirkju þar sem fulltrúar frá öllum þeim félögum og stofnunum sem ábyrgð bera á velferð barna og ungmenna í Laugarneshverfinu voru mætt. Samráðsvettvangurinn er “Laugarnes á ljúfum nótum”, en þeir funda reglubundið. Vernd var boðið á fund eftir tillögu þar um, þar sem starfsemi Verndar var kynnt. Markmiðið var að tryggja að hlutaðeigandi þekkist og það gagnkvæma traust sem ríkt hefur milli hverfisbúa og Verndar sé varðveitt um ókomna tíð. Nokkuð var um fyrirspurnir um rekstur og staðsetningu Verndar og málum því tengdu. Var það álit fundarins að allir ættu að vera stoltir af því að geta stutt við starfsemi sem þessa í sínu hverfi. Sr. Bjarni Karlsson var fundastjóri. Sr. Bjarni kom með þá tillögu að hann væri tilbúnn að styðja við bak Verndar með reglubundnum heimsóknum inn á Vernd. Þeir sem standa að “Laugarnes á ljúfum nótum” eru eftirtaldir. Laugaborg, Lækjaborg, Hof, Laugarnesskóli, foreldrafélag Laugarnesskóla, foreldraráð Laugarnesskóla, Laugasel, Laugalækjaskóli, foreldrafélag laugalækjaskóla, foreldraráð Laugalækjaskóla, Ármann Þróttur, Fimleikadeild Ármanns, Karatefélagið, skátafélagið Skjöldungar, heilsugæslan Lágmúla, þjónustumiðstöð Laugardals og Háaleitis, ÍTR, TBR, Laugarneskirkja.

Ráðstefna á Litla Hrauni

Það er ekki algengt að fjölmennar ráðstefnur séu haldnar í fangelsum. Ein slík var þó haldin laugardaginn 10. nóvember sl. á Litla-Hrauni og stóð hún frá kl. 10.00-14.00. Það var AA deild fanga, Brúin, sem stóð fyrir ráðstefnunni. Um 30 manns hafði verið boðið til ráðstefnunnar og álí ka margir fangar mættu.Fangarnir höfðu bakað pönnukökur og smákökur sem þátttakendur gæddu sér á og gestirnir buðu upp á kjötsúpu í hádeginu. Margir ræðumenn stigu í pontu, bæði heimamenn og gestir. Það er mál manna að mjög vel hafi til tekist og slíkir atburðir eru alltaf lyftistöng því öfluga AA starfi sem rekið er innan fangelsanna.Margir AA menn mæta reglulega á Litla-Hraun og deila reynslu sinni með föngum og hvetja þá til dáða. Í febrúar á þessu ári var einnig haldin sambærileg ráðstefna á Litla-Hrauni og er stefnt að því að gera þetta að föstum lið í starfsemi AA deildar Litla Hrauns.

Nýr vefur hjá Vernd

Biðjums velvirðingar á að upplysingar eru ekki aðgengilegar. Á næstu dögum mun skráningu gagna ljúka

Fangelsi og börn

Barnið er iðulega fórnarlamb aðstæðna sem hinir fullorðnu skapa því. Kjör barna eru harla ólík. Áföll í lífi þeirra geta verið margvísleg og misalvarleg. Þau alvarlegustu eru vitaskuld dauði foreldra og annnarra nákominna, sjúkdómar og slysfarir. Fangelsisvist foreldra, föður eða móður, er þungbært áfall og því þyngra sem afplánun stendur lengur yfir; er röskun á öllum högum barnsins; hún vegur að tilfinningum, samskiptum og ytri kjörum þess. Fangelsið er aðskilnaður barns og foreldris sem verður að bregðast við með einhverjum hætti.

Málefni fanga undir 18 ára aldri

Á Íslandi er ekkert unglingafangelsi. Um vistun ungmenna undir 18 ára aldri er almennt farið eftir þeim ákvæðum sem gilda um vistun barna á meðferðarheimilum undir yfirumsjón Barnaverndarstofu.
Þegar fangelsismálastofnun berst dómur til fullnustu þar sem dómþoli er yngri en 18 ára og er dæmdur í óskilorðsbundið fangelsi skal Barnaverndarstofu þegar í stað tilkynnt um það. Ber Barnaverndarstofu að kanna hvort að mögulegt er að dómþoli afpláni refsingu sína á meðferðaheimili á vegum stofunnar, enda liggi að jafnaði fyrir vilji hans til slíkrar afplánunar. Ef slík ráðstöfun kemur til greina skal Barnaverndarstofa afla afstöðu viðkomandi barnaverndarnefndar til málsins. Sama málsmeðferð skal viðhöfð þegar um er að ræða ungling sem úrskurðaður hefur verið í gæsluvarðhald. Skal slík vistun framkvæmd í samráði við rannsóknaraðila málsins. Barnaverndarstofa velur tiltekið meðferðarheimili í hvert skipti og metur meðal annars hvort að ástæða sé til að viðkomandi einstaklingur fari í greiningar- og/eða meðferðarvistun á meðferðastöð ríkisins, Stuðla. Áður en að ákvörðun um slíka vistun fer fram skal liggja fyrir skriflegur samningur við fangann og forsjáraðila hans um vistun í meðferð í að minnsta kosti 6 mánuði óháð lengd refsitímans eða úrskurðs barnaverndarnefndar.

Fangelsið að Sogni


Fangelsið er skilgreint sem opið fangelsi en það felur í sér að engar girðingar eða múrar afmarka fangelsið og því þurfa fangar sem vistast þar að hegða sér á ábyrgan hátt og bera virðingu fyrir þeim reglum sem þar gilda. Aðbúnaður í fangelsinu er góður. Á Sogni er unnið eftir sérstaki umhverfisstefnu sem fangar taka virkan þátt í. Gert er ráð fyrir að vista 20 fanga á Sogni. Auk 18 herbergja eru þar viðtalsherbergi, setustofa, eldhús og borðstofa. 

Föngum er ætlað að stunda vinnu eða nám og við komu í fangelsið er hverjum og einum gert að skrifa undir samkomulag um vistunina. Fangar sjá sjálfir um eldamennsku, þrif, þvotta og annað er viðkemur almennu húshaldi og er markmiðið m.a. að þjálfa þá í lífsleikni. Þannig er lagður grunnur að því að undirbúa fanga til að koma út í samfélagið að nýju.  

Starfsmenn: Við Fangelsið að Sogni starfa samtals 8 fangaverðir undir stjórn Einars Vals Oddssonar, varðstjóra. Forstöðumaður er Margrét Frímannsdóttir.
 

Höfðingleg gjöf

 

Alþjóða Sam-Frímúrarahreyfingin á Íslandi gaf fangahjálpinni Vernd á dögunum hálfa milljón króna. Stjórn Verndar þakkar þessa gjöf og mun ákveða hvernig henni verður varið til að efla starfsemi fangahjálparinnar. Alþjóða Sam-Frímúrarahreyfingin barst til Íslands árið 1921 og er mannræktarfélag sem byggir á ýmsum siðum og táknfræði. Hreyfingin heimilar bæði konum og körlum þátttöku og leggur ríka áherslu á jafnrétti. Öllum er heimilt að gerast félagar án tillits til litarháttar, kynþátta eða trúarskoðana. Nánar er hægt að lesa um Alþjóða Sam-Frímúrarahreyfinguna á Íslandi á heimasíðu reglunnar: http://www.samfrim.is

 

Athugasemdir Fangelsismálastofnunar

Athugasemdir Fangelsismálastofnunar við framkomna tillögu starfsmanna Fangelsisins Litla-Hrauni um breytingar á áður samþykktum tillögum stofnunarinnar um uppbyggingu fangelsa

Við opnun Kvíabryggju þann 3. október síðastliðinn gat dómsmálaráðherra, Björn Bjarnason, þess að þar með lyki fyrsta áfanga dómsmálaráðuneytis og Fangelsismálastofnunar um endurnýjun og nýbyggingar fangelsa í landinu. Annar áfangi væri að endurbyggja fangelsið á Akureyri en framkvæmdum þar lýkur um áramótin. Þriðji áfangi fælist í verulegum endurbótum á Litla-Hrauni svo sem með því að reisa aðkomu- og heimsóknarhús, deild fyrir konur, sérdeild fyrir fanga sem geta búið við opnari aðstæður auk annarra endurbóta. Í fjórða lagi ætti að reisa nýtt fangelsi með 64 klefum á höfuðborgarsvæðinu.

Lestu áfram..

Fangaverðir og lögregla æfa

FANGELSISMÁL Sérsveit fangavarða á Litla-Hrauni og lögreglumenn frá embætti lögreglustjórans á Selfossi héldu sameiginlega verklega æfingu fyrir helgi. FANGELSISMÁL Sérsveit fangavarða á Litla-Hrauni og lögreglumenn frá embætti lögreglustjórans á Selfossi héldu sameiginlega verklega æfingu fyrir helgi. "Æfingin gekk mjög vel en sett voru á svið tilvik sem komið geta upp í fangelsum þar sem nauðsynlegt er að grípa inn í atburðarás og tryggja öryggi starfsmanna fangelsa og fanga," segir Páll Winkel, forstjóri Fangelsismálastofnunar. Hann bætir við að sérsveitin hafi þessa vikuna verið við sérstakar æfingar en ákveðið hafi verið fyrir nokkru að efla hana og gera æfingar markvissari. "Við erum mjög ánægðir með samstarfið við lögreglustjórann á Selfossi en samstarf fangelsisyfirvalda og þess embættis hefur verið aukið að undanförnu, meðal annars í fíkniefnamálefnum," útskýrir forstjóri Fangelsismálastofnunar. "Samstarf Fangelsismálastofnunar við lögreglu er mjög mikilvægt og leggjum við áherslu á að auka það á öllum sviðum."

"Þetta hefur fyrst og fremst þá þýðingu að menn geta haft meiri kraft til að bregðast við ef eitthvað fer úrskeiðis til dæmis í fangelsinu," segir Ólafur Helgi Kjartansson, lögreglustjóri á Selfossi.- jss

frétt. fréttablaðið

Page 7 of 7